նախընտրելի դարձնելԱՄՆ-ում հաստատել են Պակիստանում անօդաչու թռչող սարքի հարվածի հետեւանքով «Ալ Կաիդայից» երկրորդ անձի` Լիբիայի բնակիչ Աբու Յահյա ալ Լիբիի զոհվելու մասին լուրը:
Reuters-ը, հղում անելով Սպիտակ տան աղբյուրներին, հաղորդում է, որ ալ Լիբին «Ալ Կաիդայի» ամենափորձառու եւ բազմակողմանի առաջնորդներից է: Հենց նա է առանցքային դեր խաղացել Արեւմուտքի վրա հարձակումները ծրագրելիս»:
2009թ. ՀԴԲ-ն 1 մլն դոլար էր խոստացել ալ Լիբիի գտնվելու վայրի մասին տեղեկատվություն հաղորդողին:
Ավելի վաղ հաղորդվել էր, որ եթե ալ Լիբիի մահվան փաստը հաստատվի, դա ԱՄՆ-ի ամենանշանակալի հաջողությունը կդառնա «Ալ Կաիդայի» դեմ պայքարում` «թիվ 1 ահաբեկիչ» Ուսամա բեն Լադենի ոչնչացումից հետո, գրում է «Ռոսբալտը»:
Երկու օր առաջ ՆԱՏՕ-ի անօդաչու թռչող սարքերը նպատակային հարվածների շարք են տեղացել Պակիստանի Հյուսիսային Վազիրստան նահանգում: Երկրի իշխանությունների տվյալներով` հարձակման արդյունքում ընդհանուր թվով 24 մարդ զոհվել է:
Հունիսի 5-ին Սպիտակ տան աղբյուրները հաղորդել էին, որ ավիահարվածի թիրախ է եղել ալ Լիբին:
