նախընտրելի դարձնելNEWS.am-ը որոշակի կրճատումներով ներկայացնում է «Hürriyet Daily News»-ում Մուրատ Յետկինի հոդվածը` որոշ կրճատումներով.
ԱՄՆ պետքարտուղար Հիլարի Քլինթոնի այցը Հարավային Կովկաս տեղի է ունենում սիրիական ճգնաժամի գագաթնակետին: Լավ է, որ ԱՄՆ-ն սկսել է ուշադրություն դարձնել ղարաբաղյան խնդրի վրա: Սակայն Քլինթոնի այցը անխուսափելիորեն շոշափում է այլ ոլորտներ, որոնք հետաքրքրություն են ներկայացնում ԱՄՆ արտաքին քաղաքականության համար, որոնք նաեւ Ռուսաստանի հետաքրքրության շրջանակում են:
Հենց Քլինթոնը ժամանեց տարածաշրջան, բախումներ սկսվեցին ադրբեջանական եւ հայկական զինված ուժերի միջեւ սահմանամերձ շրջաններում: Երեւանում Քլինթոնի հայտարարությունը «առանց որեւէ նախապայմանի» արձանագրություններ ստորագրած Թուրքիայի եւ Հայաստանի մասին, մերժվեց Անկարայի կողմից:
Բացի այդ, Վրաստանում նրա հայտարարությունը, որում բողոք է հայտնվում Ռուսաստանին Աբխազիայի եւ Հարավային Օսիայի վերաբերյալ, բացարձակապես չեն գոհացնում Մոսկվային:
Սակայն միշտ էլ կա միջազգայի գործերին նայելու ավելի քան մեկ միջոց. ԱՄՆ պետքարտուղարը գտնվում է Հարավային Կովկասի երկրներում, որոնք Մոսկվայի կողմից դեռեւս դիտարկվում են որպես հետնաբակ, իսկ Ռուսաստանի նախագահ Վլադիմիր Պուտինը ռազմավարական կարեւոր այց է կատարում Չինաստան այն ժամանակ, երբ Չինաստանը վրդովմունք է հայտնում Խաղաղ օվկիանոսում ամերիկյան ռազմածավային ներկայության մեծացման առումով: Պուտինը հայտարարություն է անում ոչ միայն Կովկասի, այլեւ Սիրիայի վերաբերյալ, որտեղ Ռուսաստանը մնում է միակ գերտերությունը Բաշար Ասադի թիկունքին` բացի Իրանից:
Սա մեկ այլ պատկերացում է տալիս այն մասին, թե ինչ է կատարվում ներկայումս տարածաշրջանում: Իրավիճակը Սիրիայում չի կարող հավերժ շարունակվել, ինչպես ընթանում է հիմա:
