նախընտրելի դարձնելԱՄՆ-ի պետքարտուղար Հլիարի Քլինթոնը ժամանել է Ստամբուլ համաշխարհային հակաահաբեկչական համաժողովին մասնակցելու համար, որի համանախագահներն են ԱՄՆ-ն եւ Թուրքիան: Հանձնաժողովի նիստին Թուրքիան կներկայացնի ԱԳՆ-ի ղեկավար Ահմեդ Դավութօղլուն:
Երկօրյա հավաքի ընթացքում Հիլարի Քլինթոնը կքննարկի տարածաշրջանի, ինչպես նաեւ Անգլիայի եւ Իտալիայի գործընկերների հետ իրավիճակը Սիրիայում:
Հունիսի 6-ին Քլինթոնը լրատվամիջոցներին հայտարարել էր, որ բանակցություններն ունեն Դամասկոսի կառավարության նկատմամբ նոր պատժամիջոցների, ինչպես նաեւ նախագահ Բաշար Ասադին հեռացնելու լավագույն քաղաքական ուղիներ համակարգելու նպատակ, հայտնում է «Ամերիկայի ձայնը»:
Սպասվում է, որ Ստամբուլոմ համաժողովի օրերին` հունիսի 7-8-ը, Թուրքիան կբարձրացնի Քրդական բանվորական կուսակցության խնդիրը եւ միջազգային համագործակցությանը կոչ կանի «դադարեցնել ՔԲԿ-ի ահաբեկչական գործունեությունը»:
Ինչպես հայտնել է թուրքական ԱԳՆ-ն, հանդիպմանը կմասնակցեն 29 պետությունների ներկայացուցիչներ, այդ թվում` Եվրամիության երկրները:
«2011 թվականի սեպտեմբերից գործող ֆորումը նպատակ ունի ահաբեկչության բոլոր դրսեւորումներին հակազդեցություն ցուցաբերելու հարթակ ստեղծել», - ասվում է հաղորդագրության մեջ:
