նախընտրելի դարձնելՄոսկվայի հարավ-արեւմուտքում հունիսի 7-ի գիշերը խոշոր վթար է տեղի ունեցել. բեռնատարից ընկել են երկաթբետոնե սալիկները, որոնք 6 ավտոմեքենա են ճզմել: Մեկ մարդ տեղում մահացել է, մեկը ծանր վնասվածքներով հոսպիտալացվել է: Եւս մեկ ողջ մնացածի տառացիորեն կտրել հանել են մեքենայի սրահից:
Ականատեսի վկայությամբ, կտրվել է պարանը, որով կապված էին բեռնատարին բարձած սալիկները:
Հարվածի տակ են հայտնվել միանգամից 6 ավտոմեքենաներ, որոնց մի մասին վնասել են հենց մեքենաները, մնացած մեքենաների վարորդները չեն կարողացել արագ կողմնորոշվել ստեղծված իրավիճակում:
Անմիջապես բեռնատարի հետեւից ընթանալիս է եղել «ՎԱԶ-2109» ավտոմեքենան, վարորդը խուսանավելու ոչ մի հնարավորություն չի ունեցել, նա տեղում մահացել է: Բժիշկներին հաջողվել է փրկել ուղեւորին: Փրկարարները նաեւ մի կնոջ են հանել «Նիսան Նոութ» ավտոմեքենայից:
Ըստ «utro.ru»-ի տվյալների`բեռնատարը պատկանում է «Վելդոն» շինարարական ընկերությանը, նրա ղեկավարին ավտոճանապարհային ոստիկանության աշխատակիցները պատահարի վայր են կանչել:
