նախընտրելի դարձնելՊենտագոնի ղեկավար Լեոն Պանետան հունիսի 7-ին այցելել է Աֆղանստան:
Նա մտադիր է վերահսկել գրոհայինների դեմ գործողության ընթացքը եւ քննարկել միջազգային զորքերի դուրս բերման նախապատրաստումը, որը նախատեսված է 2014 թվականին:
Այցի շրջանակներում Լեոն Պանետան կհանդիպի Աֆղանստանում կոալիցիոն ուժերի գեներալ Ջոն Ալենի, Քաբուլում ԱՄՆ-ի դեսպան Ռայան Քրոքերի եւ աֆղանական պաշտպանության նախարար Աբդուլ Ռահիմ Վարդաքի հետ, հայտնում է «Ազատություն» ռադիոն:
Այցի նախօրեին Պենտագոնի ղեկավարը խոստովանել է, որ թալիբները վերջին ժամանակներս զգալիորեն ակտիվացել են Աֆղանստանի հարավում եւ արեւելքում:
Երկրի հարավ նախարարի ժամանումից մեկ օր առաջ երեք մահապարտների հարձակման արդյունքում 22 մարդ զոհվել, 50-ից ավելին վիրավորվել էին:
