նախընտրելի դարձնելԱՄՆ-ում մտադիր են 33 միլիոն դոլար պարգեւատրում տալ ծայրահեղական «Աշ-Շաբաբ» խմբավորման առաջնորդներին բռնելու համար: Խմբավորումը մասնակից է եղել Սոմալիի, Ուգանդայի եւ Քենիայի ահաբեկչություններին:
AP գործակալության տվյալներով, որը հիմնվում է ԱՄՆ-ի նախագահի աշխատակազմի աղբյուրի տեղեկությունների վրա, 33 միլիոնից 7 միլիոնը կարող է տրվել խմբավորման հիմնադիր առաջնորդ Ահմեդ Աբդի Մուհամեդի գլխի դիմաց: Նրա մնացած համախոհների համար երեքից հինգ միլիոնի պարգեւ է նախատեսված:
Փողը կվճարվի ԱՄՆ պետդեպի Rewards for Justice (Պարգեւ արդարադատության համար) ծրագրով:
Գործակալության տվյալներով` «Աշ-Շաբաբի» շարքերում հարյուրավոր օտարերկրացի վարձկաններ կան, որոնցից շատերը մարտական փորձ են ձեռք բերել Իրաքում եւ Աֆղանստանում:
