նախընտրելի դարձնելԿիեւի մարզի տրանսպորտային դատախազությունը քրեական գործ է հարուցել Բորոդյանկայում օդանավի աղետի փաստով, որի արդյունքում 5 մարդ էր զոհվել:
Ինչպես հաղորդում է «Ինտերֆաքսը», հարուցվել է քրեական գործ` անվտանգության կամ շահագործման կանոնների խախտման համար:
Հիշեցնենք, որ «Բորդյանկա» օդանավակայանում պարաշյուտային թռիչքների կատարման ժամանակ օդաչուների ուկրաինական դպրոցին պատկանող «Л-410» օդանավը վատ եղանակի պատճառով փորձել էր վթարային վայրէջք կատարել դաշտում: Օդանավում գտնվել էր 17 պարաշյուտիստ եւ անձնակազմի երեք անդամ:
Աղետի արդյունքում հինգ մարդ զոհվել էր, 15-ը, այդ թվում Ավստրալիայի մեկ քաղաքացի, տուժել էին:
