նախընտրելի դարձնելԹուրքիայում հունիսի 10-ին երկրաշարժի հետեւանքով հիվանդանոցներում են հայտնվել 59 մարդ:
Նահանգի առողջապահության բաժնում հայտնել են, որ հիվանդանոց տեղափոխվածներից շատերն ստացել էին հոգեբանական վնաս, մյուսների մոտ գրանցվել էին կոտրվածքներ եւ վնասվածքներ:
Մի մարդ գլխի վնասվածք էր ստացել` ցատկելով պատուհանից: Երկու մարդու հիվանդանոց էին տեղափոխել սրտի կաթվածով, հայտնում է «lenta.ru»-ն:
Ինչպես ավելի վաղ հայտնել էր NEWS.am-ը, Թուրքիայի ափերի մոտ` Միջերկրական ծովում, հունիսի 10-ին` երեւանյան ժամանակով 16:45-ին տեղի էր ունեցել 6,1 բալ ուժգնությամբ երկրաշարժ:
Երկրաշարժի էպիկենտրոնը գտնվել է նավահանգստային Մուգլա նահանգի հարեւանությամբ, հիպոկենտրոնը գտնվել է 19,6 կմ խորությունում:
Մուգլա նահանգի մի շարք տներում ճեղվածք է գոյացել: Երկու մարդ խուճապի մեջ դուրս են նետվել պատուհաններից: Շատ շրջանների բնակիչներ, որտեղ զգացվել է ստորերկրյա ցնցումը, արագորեն լքել են իրենց տները եւ մեկ ժամվա չափ փողոցում են մնացել:
