նախընտրելի դարձնել«Անձրեւ» հեռուստաալիքը եւ «Նովայա գազետան», որոնք հեռարձակում էին «Միլիոնների երթը», հայտարարել են իրենց կայքերի վրա հարձակման մասին:
«Անձրեւի» գլխավոր խմբագիր Միխայիլ Զիգարի խոսքով` գրոհն սկսվել է մոսկովյան ժամանակով ժամը առավոտյան 11-ին:
«Մեզ DDos-ում են, եւ պարբերաբար կայքը կարող է չաշխատել բայց մենք կպայքարենք դրա դեմ», -ասվում է հեռուստաալիքի միկրոբլոգում:
«Նովայա գազետան» իր թվիթերում հաստատել է կայքի վրա DDoS գրոհի փաստը եւ կոչ արել ընթերցողներին հեռարձակմանը հետեւել հրատարակչության Facebook-ի էջում, գրում է AFN-ը:
Բացի այդ, DDoS գրոհների մասին հաղորդել է «Էխո Մոսկվի» ռադիոկայանի գլխավոր խմբագիր Վլադիմիր Վարֆոլոմեեւը:
«Մեզ DDoS-ում են, բայց մենք կարողանում ենք դիմադրել: Կայքը հասանելի է, բայց կարող է դանդաղել», - գրել է նա:
Հիշեցնենք, մայիսի 6-ին առաջին «Միլիոնների երթի» ժամանակ DDoS գրոհների էին ենթարկվել ռուսական մի շարք լրատվամիջոցների կայքեր:
