նախընտրելի դարձնելՃապոնիայի վրա հզոր «Գուչոլ» փոթորիկն է շարժվում: Երկրում արդեն հետաձգվել են 185 ներքին ավիաթռիչքներ: Սպասվում է, որ հունիսի 19-ի երեկոյան այն կխփի հարավային Կյուսյու կղզուն, իսկ այնուհետեւ կհասնի գլխավոր ճապոնական Հոնսյու կղզի եւ կշարժվի դեպի հյուսիս-արեւելք:
Իշխանությունները տեղական բնակչությանը զգուշացրել են սողանքների եւ ջրհեղեղի վտանգի մասին: Հնարավոր տարհանման մասին զգուշացում են ստացել արդեն 2 հազար մարդ, հաղորդում է «vesti.ru»-ն:
«Գուչոլ» փոթորիկը Ճապոնիա է շարժվում ժամում 50 կմ արագությամբ: Այն արդեն բերել է հզոր տեղատարափ անձրեւներ, որոնք ողողում են երկրի հարավը: Փոթորկի կենտրոնում քամու արագությունը հասնում է վայրկյանում 50 մ:
