ՆախընտրելիԿառավարության հնգամյա ծրագիրը միանշանակ վստահության է արժանի: Այդ մասին հայտարարել է Ազգային Ժողովի հանրապետական պատգամավոր Դավիթ Հարությունյանը` խորհրդարանի ամբիոնից հայտնելով իր տեսակետը:
«Այս գումարման խորհրդարանի դերը պետք է զգալիորեն տարբերվի նախորդից: Այժմյանը պետք է անմիջական կերպով մասնակցի ենթածրագրերի եւ ծրագրերի մշակմանը, որ բխում են հնգամյա ծրագրից, նաեւ հետեւի դրանց կատարմանը»,- հայտարարել է Դավիթ Հարությունյանը:
Նրա կարծիքով, այս հայեցակարգային փաստաթուղթը կարեւոր նշանակություն ունի պետության տնտեսական քաղաքականության համար, եթե ուղեկցվի մարտավարական բնույթի առավել հանգամանալից նախագծերով:
«Ես հավատում եմ կառավարության ծրագրին ու նրա հնարավորություններին եւ կողմ եմ քվեարկելու»,- նշել է նա:
