նախընտրելի դարձնելԲոլիվիայում շարունակվում են ոստիկանների բողոքի ակցիաները, որի մասնակիցների ընդհանուր թիվը հասնում է մոտ 4 հազարի: Շարքային ոստիկանների բողոքի ակցիաներ են տեղի ունենում երկրի խոշոր քաղաքներում` մայրաքաղաք Լա Պասում, Սանտա Կրուսում, Կոչաբամբայում եւ Օրուրոյում, հաղորդում է AP-ը:
Լա Պասում զանգվածային բողոքի ակցիաներն սկսվեցին այն ժամանակ, երբ ոստիկանները կանանց հետ գրավեցին ոստիկանության հետախուզական ծառայության շենքը:
Ինչպես տեղեկացնում է BBC-ին, նախագահ Էվո Մորալեսը ստիպված է եղել ընդհատել իր այցը Բրազիլիա, որտեղ մասնակցում էր «Ռիո +20»-ի համաժողովին: Կառավարությունից հայտնել են, թե Մորալեսը պատրաստ է հանդիպել բողոքի դուրս եկածների հետ:
Ինչպես ավելի վաղ տեղեկացրել էր NEWS.am-ը, ոստիկանները պահանջում են աշխատավարձի բարձրացում: Ներկայումս Բոլիվիայում իրավապահ մարմնի աշխատակիցն ստանում է ամսական մոտ 144 դոլար:
