նախընտրելի դարձնելԿոլորադո նահանգում անտառային հրդեհի պատճառով տասնմեկ հազար մարդ է տարհանվել:
Հրդեհը բռնկվել է հունիսի 24-ի գիշերը` Ազգային Փայք անտառի տարածքում, որը տեղակայված է Փայքս Փիք լեռան շուրջ եւ համարվում է ԱՄՆ-ում ամենաշատ այցելվողը: Մեկ օրվանից էլ քիչ ժամանակահատվածում կրակն ընդգրկել է հազարից ավելի հեկտար տարածք:
Կոլորադոյի հրշեջ դեպարտամենտի ներկայացուցիչները դժվարացել են կանխատեսել, թե որքան արագ կհաջողվի տեղայնացնել եւ հանգցնել հրդեհը, գրում է lenta.ru-ն:
Միացյալ Նահանգների տարածքում հունիսի 24-ի դրությամբ անտառային հրդեհի ընդամենը 20 օջախ է գրանցվել, հիմնականում երկրի արեւմուտքում: Մասնավորապես, Յութա նահանգում հրդեհի պատճառով անցնող հանգստյան օրերին տարհանվել էին ավելի քան 2,5 հազար մարդ:
