նախընտրելի դարձնելԴամասկոսում սպանել են պաղեստինյան ՀԱՄԱՍ շարժման ղեկավարներից մեկին` Քամալ Ռանաջին, որը հայտնի է նաեւ Նիզար Աբու Մուջհադ մականունով: Կազմակերպության ներկայացուցիչները հայտարարել են, որ կատարվածը իսրայելական «Մոսադ» հետախուզության աշխատակիցների ձեռքի գործն է:
Քամալ Ռանաջի սպանության մասին լուրը հայտնվել է հունիսի 27-ին` պաղեստինյան կազմակերպության պաշտոնական կայքում: Հանցագործությունը կատարվել էր զոհի տանը, հայտնում է «Իզվեստիան»:
«Ըստ մեր տեղեկատվության` «Մոսադն» է կանգնած սպանության հետեւում», - ՀԱՄԱՍ-ի ներկայացուցչի խոսքերը մեջբերում է Jerusalem Post-ը: Պաղեստինյան շարժման անդամները մտադիր են վրեժ լուծել իրենց առաջնորդներից մեկի մահվան համար:
