նախընտրելի դարձնելԱՄՆ-ի սննդամթերքի եւ դեղամիջոցների որակի վերահսկողության դաշնային վարչությունը (FDA) 13 տարվա ընթացքում առաջին անգամ հավանություն է տվել նիհարեցնող դեղամիջոցին:
Belviq հաբերը, որոնք արտադրում է Arena Pharmaceutical ընկերությունը, կարող են օգտագործել ճարպակալությամբ տառապող եւ ավելորդ քաշ ունեցող անձինք: Կլինիկական փորձարկումներում դեղը միանգամայն համեստ արդյունքներ է ցուցաբերել` մարդկանց թույլ տալով միջինը կորցնել քաշի 5%-ը: FDA-ը հրաժարվում էր գրանցել Belviq-ը 2011թ..` կլինիկական փորձարկումների արդյունքում կենդանիների օրգանիզմում ուռուցքների զարգացման պատճառով:
Arena Pharmaceutical-ը կրկին հայտ է ներկայացրել` լրացուցիչ տվյալներ կցելով: Այս անգամ սահմանվել է, որ այդ դեղամիջոցից մարդկանց օրգանիզմում ուռուցքի ձեւավորման վտանգն աննշան է:
Սպասվում է, որ դեղը շուկա կհանվի 2013-ին: Belviq-ը արգելափակում է քաղցի զգացումը` խմողներին թույլ տալով ավելի քիչ ծավալի ուտելիքից հագեցածություն զգալ: Այնուամենայնիվ, այն ունի կողմնակի ազդեցություններ, այդ թվում` ընկճախտ, միգրեն, հիշողության ընդհատումներ:
