նախընտրելի դարձնելՆավթի գների անկումն ավելի կտրուկ ռիսկեր է ստեղծում ԱՊՀ-ից հումքի արտահանողների եւ այն երկրների համար, որոնք կախվածության մեջ են Ռուսաստանից արտահանման եւ դրամական փոխանցումների մասով. դրանց շարքում են բալթյան երկրներն ու Հայաստանը: Այս մասին ասվում է միջազգային վարկանիշային «Fitch Ratings» գործակալության հրապարակած «Sovereign Review and Outlook» զեկույցում:
Զեկույցում, ընդհանուր առմամբ, նշվում է, որ եվրագոտում ճգնաժամն ավելի շատ անդրադառնում է Եվրոպայի զարգացող շուկաների հեռանկարների, քան մյուս շուկաների վրա: Այնուամենայնիվ, ընդհանուր առմամբ, գործակալությունը կարծում է, որ տարածաշրջանն արտաքին ռիսկերի դիմագրավման առումով գտնվում է ավելի լավ վիճակում, քան 2008 - 09 թթ-ին:
ԱՊՀ-ի համար ճնշումը կզգացվի հիմնականում նավթի եւ հումքային մյուս ապրանքների գների անկումով, հաղորդում է Reuters-ը:
