նախընտրելի դարձնելՄեքսիկայի նախագահական ընտրություններում, exit-polls-ի տվյալներով, հաղթում է ընդդիմության թեկնածու Էնրիկե Պենյա Նիետոն: Ըստ վերջին տվյալների` Ինստիտուցիոն-հեղափոխական ընդդիմադիր կուսակցության թեկնածուն հավաքում է 39%-ից մինչեւ 42,7% ձայներ:
Նրա մրցակիցը` Դեմոկրատական կուսակցության գլխավորությամբ ձախ ուժերի թեկնածու Անդրես Մանուել Լոպես Օբրադորը, հավաքում է 31%: Միաժամանակ իշխող կուսակցության թեկնածու Խոսեֆինա Վասկես Մոտուն ստացել է հարցվողների ձայների 23%-ը, հայտնում է ԻՏԱՌ-ՏԱՍՍ-ը:
Բացի դրանից, Մեքսիկայում կայացած քվեարկության արդյունքների համաձայն, հայտնի կդառնան 128 սենատորների եւ խորհրդարանի ստորին պալատի 500 պատգամավորների անունները:
Ընտրությունների հաղթողն իր պարտականությունների կատարմանը կանցնի դեկտեմբերի 1-ին եւ կպաշտոնավարի 6 տարի:
