նախընտրելի դարձնելՄի քանի հանրաճանաչ ինտերնետ-ծառայությունների եւ կայքերի աշխատանքում խափանումներ են արձանագրվել` հունիսի 30-ի գիշերը լրացուցիչ վայրկյան ավելացնելու պատճառով:
Reddit լրատվական կայքի ադմինիստրատորներն իրենց պաշտոնական միկրոբլոգում հայտնել են, որ կայքը կարող է անհասանելի լինել Cassandra տվյալների բազայի կառավարման համակարգում ընդհատումների պատճառով: Այդ ընդհատումների պատճառն է դարձել նահանջ վայրկյանը, ճշգրտել են նրանք, գրում է Wired-ը:
Mozilla ընկերության ներկայացուցիչը նշել է, որ «լրացուցիչ վայրկյանի» ավելանալուց հետո դադարել են աշխատել Java հավելվածի սերվերները:
Ժամանակի սինխրոնացման սխալը բերել է Amadeus տոմսերի պատվիրման համակարգի աշխատանքների ընդհատումների: Այդ պատճառով ավստրալական Qantas ընկերությունը ստիպված է եղել չեղյալ հայտարարել մինչեւ 50 թռիչքներ:
«Լրացուցիչ վայրկյանի» խնդիրն ազդել է այնպիսի ռեսուրսների վրա, ինչպիսիք են LinkedIn սոցիալական ցանցը, Foursquare գեոլոկացիոն ծառայությունը եւ որոնող StumbleUpon-ը:
