նախընտրելի դարձնելՄինսկում ռազմական հանդիսավոր շքերթ է ընթանում` նվիրված Բելառուսի Հանրապետության անկախության օրվան: Այն ուղիղ հեռարձակվում է ժողովրդական բոլոր հեռուստա- եւ ռադիոալիքներով, ինչպես նաեւ համացանցով:
Շքերթին մասնակցում են շուրջ 4000 զինվորականներ: Կցուցադրվի անիվավոր եւ թրթուռավոր 150 միավոր տեխնիկա, երկնքում կսավառնեն հայրենական արտադրության ուղղաթիռներ եւ օդանավեր: Մասնացում են նաեւ Ռուսաստանի զինված ուժերը` ի դեմս Պսկովի 76-րդ օդադեսանտային ջոկատի:
Բելառուսի նախագահ Ալեքսանդր Լուկաշենկոն ելույթում նշել է, որ մոլորակն այսօր ցնցում են պատերազմներն ու հակամարտությունները, եւ այդ պայմաններում դժվար է շարունակել երկրի Զինված ուժերի ամրապնդումը: Նա նաեւ ընդգծել է, որ Բելառուսում բոլոր հնարավոր «նարնջագույն հեղափոխությունները» որեւէ հեռանկար չունեն:
Շքերթի ավարտին տեղի կունենա մարզական-երիտասարդական երթ, որին կմասնակցեն Բելառուսի բոլոր բուհերի ուսանողները, Բելառուսական երիտասարդության հանրապետական միության հսկայական շարասյունը:
