նախընտրելի դարձնելԱռանց քաղաքացիական հասարակության լիարժեք մասնակցության ղարաբաղյան հակամարտության խաղաղ կարգավորման բանակցությունները կարող են ձախողվել: Այդ մասին հայտարարել է ԵՄ ղեկավար Հերման Վան Ռոմպեյը` ելույթ ունենալով Երեւանում հուլիսի 4-ին անցկացվող «Հայաստանը Եվրոպայում» կոնֆերանսին:
Նրա խոսքով`պատգամավորականների հետ կայանալիք հանդիպմանը մտադիր է շոշափել քաղաքացիական հասարակության դերի հարցը ղարաբաղյան հակամարտության կարգավորման հարցում:
«Հայաստանի հսկայական ներուժի իրացումը, այդ թվում ԵՄ քաղաքական ասոցիացիայի միջոցով, կախված է հակամարտության կարգավորումից եւ դրա հետեւանքներից: Հսկայական է քաղաքացիական հասարակության դերը հակամարտության խաղաղ կարգավորման գործում», -ընդգծել է Վան Ռոմպեյը:
Նրա խոսքով` պաշտոնական բանակցություններին զուգահեռ, հարկ է հիշել քաղաքացիական հասարակության հսկայական դերի մասին: «Առանց քաղաքացիական հասարակության լիարժեք մասնակցության ղարաբաղյան հակամարտության խաղաղ կարգավորման բանակցությունները կարող են ձախողվել, ինչը շատ լուրջ հետեւանքներ կունենա տարածաշրջանում երկարաժամկետ խաղաղություն հաստատելու առումով», - ամփոփել է ԵՄ ղեկավարը:
