նախընտրելի դարձնելՅակուտիայում «Յուտէյր» ավիաընկերության Eurocopter AS-350 ուղղաթիռի վթարի վայրում գտնվել է չորրորդ զոհի մարմինը: Այսպիսով, ավիավթարի բոլոր զոհերը հայտնաբերվել են:
Ռուսաստանի Քննչական կոմիտեի Արեւելյան Սիբիրի քննչական վարչության մամուլի ծառայությունում հստակեցրել են, որ դիակը ավելի վաղ հայտնաբերված մարմիններից մեկի տակ է եղել: Միայն մոտիկից զննելով է հնարավոր եղել գտնել նրան:
Ըստ վարչության ներկայացուցչի` վթարի վայրից զոհվածների մարմինները դեռեւս դուրս չեն հանել, հայտնում է «Տրուդ» թերթը:
Ըստ «ՅուՏեյր» ավիաընկերության` աղետի ենթարկված ուղղաթիռում եղել են օդաչու Վասիլի Գարդեյչուկը, մեխանիկ Վասիլի Դրուզենկոն, ուղեւորներ Յարոսլավ Վերեժակը եւ Արթուր Պոպովը:
Ուղղաթիռն աղետի էր ենթարկվել հուլիսի 4-ին` անմիջապես Լենսկի օդանավակայանից թռչելուց հետո: Ընկնելուց հետո մեքենան բռնկվել էր:
