նախընտրելի դարձնելՀոնկոնգի ոստիկանությունը սահմանի մոտ թմրանյութի խոշոր խմբաքանակ է առգրավել: 649 կգ բեռն արժի շուրջ 98 միլիոն դոլար, կոկաինը տեղափոխում էին բեռնարկղերով, որոնք ծովային ճանապարհով հասել էին Էկվադորից:
Էկվադորից հնարավոր մաքսանենգության մասին Հոնկոնգին հաղորդել է ԱՄՆ-ի թմրանյութերի դեմ պայքարի վարչությունը: Ենթադրվում է, որ հանցագործները մտադիր են եղել բեռնարկղերը հասցնել ՉԺՀ-ի հարավում գտնվող քաղաքներ եւ Հարավարեւելյան Ասիայի երկրներ, հայտնում է «Ռոսիյսկայա գազետան»:
Այժմ ձերբակալվել է 3 մարդ: Հոնկոնգի մաքսայինները հայտարարել են, որ Հոնկոնգը անցակետ չէ թմրանյութերի տեղափոխման համար:
Ձերբակալված խմբաքանակը նոր ռեկորդ է Հոնկոնգում բռնված անօրինական թմրանյութերի ապրանքների պատմության մեջ: 2011 թվականին Չինաստանի ոստիկանությունը առգրավել էր 560 կգ կոկաին` 77 միլիոն դոլար արժողությամբ:
