նախընտրելի դարձնելՍմարթֆոնների թայվանական արտադրող HTC ընկերությունը հայտարարել է 2012թ. երկրորդ եռամսյակում մաքուր եկամտի 57,8%-ով կրճատման մասին:
Ինչպես հաղորդում է Ferra.ru-ն, ընդհանուր առմամբ HTC –ը կորցրել է ավելի քան 247 մլն դոլար: Վերլուծաբանների կարծիքով, այսպիսի ցածր ցուցանիշները բացատրվում են եվրոպական շուկայում վաճառքի սպասվածից ավելի ցածր մակարդակով, որը պայմանավորված է ինչպես շատ երկրների տնտեսական խնդիրներով, այնպես էլ ուժեղ մրցակցությամբ:
Բացի այդ, դեր են խաղացել նաեւ HTC-ի «One X» եւ « EVO 4G LTE» մոդելների հետ կապված դժվարություններն ամերիկյան շուկայում, որի պատճառն Apple –ի արտոնագրային հավակնություններն էին եւ մաքսակետերում ապրանքի ձգձգումները: Միաժամանակ նշվում է, որ հաշվետու շրջանում ընկերության հասույթը կազմել է 3,05 մլրդ դոլար:
