Աֆղանստանի հարավում գրոհայինների գործողությունների արդյունքում հուլիսի 8-ին 41 մարդ է զոհվել, այդ թվում` խաղաղ բնակիչներ:

Ինչպես հաղորդում է ԻՏԱՌ-ՏԱՍՍ-ը, Գիլմենդ նահանգում «Թալիբան» շարժման ծայրահեղականները հարձակվել են ոստիկանական անցակետի վրա:  Փոխհրաձգությունը, որի ժամանակ զոհվել է  հինգ ոստիկան եւ 22 գրոհային, տեւել է մոտ 4 ժամ:Բացի այդ, հարեւան Կանդահար նահանգում 14  խաղաղ բնակիչ է զոհվել  ճանապարհին տեղադրված ռումբի պայթյունի արդյունքում: