նախընտրելի դարձնելՌուսաստանն ի դեմս Հայաստանի տեսնում է ՀԱՊԿ-ի շատ հուսալի եւ արդյունավետ գործընկերոջ: Այդ մասին հայկական խորհրդարանի խոսնակ Հովիկ Աբրահամյանի հետ համատեղ ասուլիսում հուլիսի 11-ին հայտնել է Ռուսաստանի Դաշնության խորհրդի նախագահ Վալենտինա Մատվիենկոն:
Նրա խոսքով` Հայաստանը ՀԱՊԿ-ի շատ ակտիվ մասնակից է, որի շրջանակում երկու երկրների միջեւ ռազմական եւ ռազմատեխնիկակակն լուրջ համագործակցություն է սկսվել: «ՀԱՊԿ-ը մեծ հեռանկարներ ունի ռազմաքաղաքական միությունից վերածվելու տարածաշրջանային բազմագործառույթ լուրջ կառույցի»:
Իր հերթին Հայաստանի խորհրդարանի խոսնակ Հովիկ Աբրահամյանը նշել է, որ Երեւանը մտադիր է զարգացնել եւ ամրապնդել համագործակցությունը ՀԱՊԿ-ի շրջանակում: «Մենք բարձր ենք գնահատում ՀԱՊԿ-ի շրջանակում համագործակցությունը, եւ այդ ձեւաչափն ընդունելի է մեզ համար», - ընդգծել է նա:
Անդրադառնալով Ուզբեկստանի ՀԱՊԿ-ից դուրս գակլու հարցին` Մատվիենկոն նշել է, որ Ուզբեկստանը կպարտվի, եթե վերջնական դուրս գա կազմակերպությունից:
Մատվիենկոն կարծում է, որ ՀԱՊԿ-ից Ուզբեկստանի դուրս գալը դրական քայլ չէ տարածաշրջանում կայունության պահպանման, ինչպես նաեւ միջազգային ահաբեկչության դեմ պայքարի առումով: «Այդ երեւույթների դեմ պայքարի համար հարկ է միավորել ջանքերը, ոչ թե պառակտել»,-ասել է նա:
