նախընտրելի դարձնելԱֆղանստանի նախագահ Համիդ Քարզայը թալիբների առաջնորդ Մուլլա Մուհամեդ Օմարին կոչ է արել հրաժարվել երկրի կառավարության դեմ պայքարից եւ առաջադրվել նախագահական ընտրություններում:
Այսօր` հուլիսի 12-ին, հանդես գալով Քաբուլում լրագրողների առաջ, Քարզայը հայտարարել է, որ Մուլլա Օմարը կարող է իր քաղաքական կուսակցությունը ստեղծել, իր գրասենյակը բացել Աֆղանստանում եւ մասնակցել ընտրություններին, հաղորդում է svobodanews.ru-ն:
Մուլլա Օմարի գտնվելու վայրն անհայտ է 2001 թվականից ի վեր, երբ միջազգային կոալիցայի ուժերը` ԱՄՆ գլխավորությամբ, տապալեցին թալիբների ռեժիմն այդ երկրում:
Նա ամենափնտրվող մարդկանցից մեկն է աշխարհում: ԱՄՆ-ը Օմարի վերաբերյալ տեղեկության համար 10 մլն դոլար պարգեւ է խոստանում, որը կարող է հանգեցնել նրան բռնելուն:
Քարզայը բազմիցս կոչ է արել Մուլլա Օմարին վայր դնել զենքը եւ միանալ խաղաղ գործընթացին, սակայն թալիբները մերժում են Աֆղանստանի նախագահի առաջարկը:
