Ադրբեջանական բանակում հերթական զինված միջադեպն է եղել` ողբերգական ելքով:

Ինչպես հաղորդում է ադրբեջանակն APA գործակալությունը, միջադեպը տեղի է ունեցել Ադրբեջանի ՊԲ Բաքվի զորամիավորման N զորամասում:

Ուսումնական հրաձգության ժամանակ Սահիլ Նագիեւի կողմից անվտանգության կանոնների չպահպանման հետեւանքով սպանվել է զինվոր Աքբեր Նասիրովը, իսկ Սուրեթ Մամեդովը վիրավորվել է: Վիրավորին տեղափոխել են հոսպիտալ:

Ադրբեջանի ՊՆ-ն հաստատել է միջադեպի փաստը: