նախընտրելի դարձնելՖրանսիայի Սոնի եւ Լուարի դեպարտամենտում գտնվող Շալոն սյուր Սոնում Հայաստանից մի ընտաիքի անցած ուրբաթ վտարել էին բնակարանից` կապված սոցիալական շտապ օգնության «115» ծառայության հետ: Ընտանիքը հայտնվել է փողոցում, հայտնում է «Le Journal de Saône et Loire»:
Ուրբաթ օրվանից «Կրթությունն առանց սահմանների» (RESF) ցանցը կարողացել է ֆինանսավորել ընտանիքի տեղավորումը մեկ այլ բնակարանում, սակայն դա չէր կարող շարունակվել: «Մենք հրաժարվում ենք մեզ վրա վերցնել այդ իրավիճակի պատասխանատվությունը հետայսու, մենք հրաժարվում ենք պրեֆեկտի պահուստային անիվը լինելուց, – բացատրել է RESF անդամ Ֆրանսուա Պորտֆեն:- Պրեֆեկտը պատասխան է տալիս մարդկանց իրավունքների պաշտպանության համար, իսկ երկու երեխաներով ընտանիքին վտարել բնակարանից փողոց` դա որոշ չափով երեխաների իրավունքների մասին միջազգային կոնվենցիայի խախտում է: Դա նաև կացարան ունենալու իրավունքի խախտում է, իսկ քանի որ նրանք հայեր են, նման գործերի վերանայման գործընթացը արագացվում է, և մենք չենք կարող հանգիստ պատրաստվել պաշտպանության այս հանգամանքներում»:Այս երիտասարդ զույգի և նրանց երկու և երեք տարեկան երեխաների համար կացարան հատկացնելու առումով առայժմ լուծում չի գտնվել: Առայժմ նրանք մնում են Կարմիր Խաչի շենքի նախասրահում Կլոդել Բեռնանոս շրջանում: RESF կոչ է անում բոլորին գալ և օգնել նրանց, օրինակ, կերակուր բերելով: «Մենք լքել ենք Հայաստանը, քանի որ շատ ուժեղ էր ճնշումը,- ասում է ընտանիքի հայրը: - Իսկ այստեղ մենք մեծ սթրեսի ենք ենթարկվում: Դա շատ ծանր է»:
