նախընտրելի դարձնելՌուսական «Սկորպիուս» զբոսանավը, շուրջերկրա նավարկություն կատարելիս մոլորվել է Բերմուդյան եռանկյունում: Այդ մասին հաղորդում է «ՌԻԱ Նովոստին»` վկայակոչելով արշավախմբի մամլո քարտուղար Աննա Սուբոտինային:
Հուլիսի 13 –ին, ուրբաթ օրը փոթորկի ժամանակ կայծակի հարվածից հետո վնասվել է զբոսանավի ողջ նավիգացիոն համակարգը:
«Սկորպիուսի» նավապետ Սերգեյ Նազովցեւը միայն հուլիսի 16 –ին է կապ հաստատել եւ պատմել, որ նավաստիները չեն տուժել:
Նա նաեւ նշել է, որ անձնակազմը խուճապի չի մատնվել եւ չի հավատում Բերմուդյան եռանկյունու մասին լեգենդներին:
Միաժամանակ «Սկորպիուսին» չի հաջողվում դուրս գալ եռանկյունուց: Նավաստիներին խանգարում է օվկիանոսային ուժեղ հոսքը:
