նախընտրելի դարձնել«YouTube» տեսանյութերի ծառայությունը, որը հիմնադրվել է 2005 թ-ին, շուտով կարող է տեղ զբաղեցնել նորությունների տեղադրման հիմնական հարթակների թվում: Նման եզրահանգման են եկել վաշինգտոնյան Pew գիտական կենտրոնի հետազոտողները:
Ուսումնասիրվել են ամենամեծ ժողովրդականություն վայելող տեսանյութերը, որոնք տեղադրվել են 15 ամսվա ընթացքում:
Պարզվեց, որ թեեւ «YouTube»-ում ավանդական հեռուստանորությունների լսարանը նախկինի պես գերազանցում է լրագրողական նլութերի լսարանին, սակայն այդ տարբերությունը գնալով ավելի է կրճատվում, հաղորդում է ԻՏԱՌ-ՏԱՍՍ-ը:
Ծառայությունում տեսանորությունների ավելի քան 1/3-ը սիրողների կողմից են արված, իսկ կեսը` տարբեր ընկերությունների նորությունների ծառայությունների: Սակայն այդ նյութերից շատերը կադրեր են պարունակում, որոնք եւս արվել են «YouTube»-ի շարքային օգտատերերի կողմից:
Pew հետազոտական կենտրոնի ղեկավար Էմիի Միթչելի կարծիքով, «YouTube» –ում տեսալրագրության նոր ձեւ է ծնվում:
