նախընտրելի դարձնելՀյուսիսային Կորեայի պաշտոնական տեղեկատվական գործակալությունը հայտնել է Կորեական ժողովրդական բանակի գլխավոր շտաբի նոր ղեկավարի նշանակման մասին: Ինչպես հաղորդում է «Ինտերֆաքսը», ղեկավարն է փոխմարշալ Խեն Են Չխոլը:
Ինչպես ավելի վաղ հայտնել էր NEWS.am-ը, ԿԺԴՀ-ի բանակի հրամանատար Լի Յոն Հոն, որը հյուսիսկորեական հանգուցյալ առաջնորդ Կիմ Չեն Իրի մերձավորներից էր, երկրում իշխող կուսակցության որոշմամբ հեռացվել է պաշտոնից:
Հոն հեռացվել էր «բոլոր պաշտոններից»` առողջության պատճառով: Այլ մանրամասներ չէին հաղորդվել, սակայն շատերն են կասկածում, որ որոշման պատճառն առողջությունն է:
Լի Յոն Հոն համատեղում էր մի քանի պաշտոններ` նա Կորեայի Բանվորական կուսակցության քաղբյուրոյի անդամ էր, եղել է նաեւ կուսակցության ռազմական կենտրոնական հանձնաժողովի ղեկավարի տեղակալը: Գլխավոր շտաբի ղեկավար նրան նշանակել էին 3 տարի առաջ` 2011 թվականի դեկտեմբերին, Կիմ Չեն Իրի մահվանից քիչ ժամանակ առաջ:
