նախընտրելի դարձնելԼեհաստանն անհանգստացած է, որ ղարաբաղյան հիմնախնդիրը դեռեւս լուծված չէ: Ինչպես հաղորդում է ադրբեջանական «ԱՊԱ» գործակալությունը, հուլիսի 18-ի մամուլի ասուլիսում հայտարարել է Լեհաստանի ԱԳՆ-ի ղեկավար Ռադոսլավ Սիկորսկին:
Ըստ նրա` Լեհաստանն աջակցում եւ ընդունում է Ադրբեջանի տարածքային ամբողջականությունը եւ չի ընդունում ինքնահռչակված Լեռնային Ղարաբաղի Հանրապետությունը:
Նա նշել է, որ Հայաստանի եւ Ադրբեջանի միջեւ տվյալ խնդիրը պետք է լուծվի, եւ վերջնականապես պետք է հստակեցվի Լեռնային Ղարաբաղի կարգավիճակը:
Լեհաստանի արտգործնախարար Ռադոսլավ Սիկորսկին նախօրեին ժամանել է Ադրբեջան: Այցը նվիրված է Ադրբեջանի եւ Լեհաստանի միջեւ դիվանագիտական հարաբերությունների հաստատման 20-ամյակին: Հանդիպման ընթացքում ղեկավարության հետ քննարկվել են «Արեւելյան գործընկերության» շրջանակում երկկողմ համագործակցության հեռանկարները:
