Արաբ լրագրողները պատմել են եգիպտական «ամառային կանանց» ֆենոմենի մասին` անչափահաս աղջիկների, որոնց հարուստ զբոսաշրջիկներին սեռական ստրկության են  հանձնում սեփական ընտանիքները: Նման փաստի գոյությունն է հաստատում հուլիսին ԱՄՆ-ի Պետդեպարտամենտի կողմից հրապարակած զեկույցը մարդկանց առեւտրի մասին:  

Ամենից հաճախ հաճախորդներ են դառնում արաբ  հարուստ զբոսաշրջիկները: Աղջկա ընտանիքն ստանում է 495- 4 հազար 950 դոլար: «Ամառային կանանց» խնդրին Եգիպտոսում ուշադրություն է դարձրել «Ալ Արաբիա» հրատարակչությունը:

Ժամանակավոր կանանց մատակարարում են հիմնականում նրանց ընտանիքները, ընդ որում` չտեղեկացնելով անձամբ աղջիկներին:

Ստրկուհին հիմնականում հարուստ զբոսաշրջիկին  որպես ամուսին է ընկալում, եւ նրա հեռանալը դառնում է ցնցում:

Օրենքով արտասահմանցին չի կարող ամուսնանալ եգիպտուհու հետ, եթե տարիքային տարբերությունը 10 տարուց ավելի է: Զույգը չի կարող համար վարձել հյուրանոցում, եթե չի ներկայացնում ամուսնական վկայական: Այդ ամենը հաղթահարվում է փաստաթղթերը կեղծելով: Արդյունքում զբոսաշրջիկը ոչ մի պատասխանատվություն չի կրում, քանի որ ամուսնությունն իրավական ուժ չունի: 

Եթե «ամառային ամուսնություններից» երեխաներ են ծնվում, ապա նրանք համալրում են Եգիպտոսի փողոցների հարյուր հազարավոր  մուրացկանների շարքերը:  «Ամառային կանայք» մերժված են հասարակության կողմից, նրանց մեծամասնությունը դառնում են մարմնավաճառներ, հաղորդում է  NEWSru.com-ը: