նախընտրելի դարձնելՓարիզաբնակ արտ-դիլեր Կարապետ Բասմաջյանին վերջին անգամ կենդանի տեսել էին 1989թ. հուլիսի 29-ին, երբ դուրս էր եկել Կրեմլի մոտ գտնվող «Մոսկվա» հյուրանոցից եւ նստել իրեն սպասող մեքենան:
Դրանից հետո հայտնաբերվել էր նրա արյունոտ «Մերսեդեսը», իսկ հետո պատմություններ էին շրջանառվում, թե քաղաքից դուրս հայտանբերել են նրա կտրտված մարմինը:
Ինչպես հաղորդում է «Toronto Star»-ը, նրա սպանության մեջ հիմնական կասկածյալը կանդական Մեծ Տորոնտո ագլոմերացիայից բռանցքամարտի նախկին մարզիչ Ալեքսեյ Յարին է կամ Ալեքսանդր Պոդլեսնիյը, ով կանադական ոստիկանության կողմից համարվում է Հյուսիսային Ամերիկայում ռուսական մաֆիայի առաջին անդամներից մեկը:
Մոսկվայում եւ Փարիզում իշխանությունները նույնպես Յարիի նկատմամբ կասկածներ ունեին, ով ներկայումս Ֆրանսիայում 10 հազ. եվրո գրավի դիմաց ազատ է արձակվել այն պարագայում, երբ շարունակվում է Բասմաջյանի գործի քննությունը:
Աշխատանքային վարկածն այն է, որ Բասմաջյանը խոշոր գումար է տեղափոխել, երբ նրան նկատել են «Ռոսիա» հյուրանոցում ` մտածելով, թե գնում է արվեստի գործերի վաճառքի վերաբերյալ գործարք կատարելու:
Բասմաջյանի այրին ներկայումս օգնում է Փարիզում Էդուարդ Կալիֆատի ասոցիացիային, որը հումանիտար խումբ է եւ հետեւում է նախկին ԽՍՀՄ-ից մարդկանց անհետացման գործերին:
Ասոցիացիայի ներկայացուիցիչ Դենիս Սելեմը նշել է, որ փարիզցի դատավարոը մի քանի տարի առաջ մեկնել էր Կանադա, սակայն չէր հաջողվել հարցաքննել Յարիին:
Ֆրանսիացի քննիչ Պատրիկ Ռամելը կանադական իշխանությունների հետ քննարկել է Բասմաջյանի գործով Յարիի Ֆրանսիա էքստարդիցիայի հարցը, քանի որ Բասմաջյանը Ֆրանսիայի քաղաքացի էր:
Առայժմ հայտնի չէ, ինչ-որ չափով նաեւ հետաքննության գաղտնիությամբ պայմանվորված, թե ինչու Յարիին մինչ օրս մեղադրանք չի առաջադրվել:
Թեեւ արտ-դիլերի սպանությունը հին գործ է, այն զգայուն է մնում Եվրոպայի համար, քանի որ հայազգի Բասմաջյանին սիրում էին նրա բարեգործության համար. նա գումար էր հավաքում 1988թ. Սպիտակի երկարաշարժից տուժածներին օգնելու համար:
Յարին սպանության եւ կողոպուտի համար դատապարտվել է 1994 թ-ին` 16 տարվա ազատազրկման: 2010թ. ապրիլին նա էքստրադիցիայի է ենթարկվել Ֆրանսիա, որտեղ պահվել է «Սանտե» խիստ ռեժիմի բանտում: Նա ազատ է արձակվել մայիսին` պայմանով, որ չի բացակայելու Ֆրանսիայից, քանի դեռ մեղադրանքը չի հանվի:
Յարին եւ նրա փաստաբանը հրաժարվել են մեկնաբանություն տալ Բասմաջյանի գործի հետ կապված, քանի որ, ըստ նրանց, հետաքննությունը շարունակվում է:
