նախընտրելի դարձնելՀյուսիսային Կարոլինայի բնակիչ Բոբ Էդվարդսը ողջ է մնացել կայծակի երրորդ հարվածից հետո:
Կայծակը Էդվարդսին հարվածել էր անցած երկուշաբթի, երբ նա Շարլոտե քաղաքի սրճարանից դուրս գալիս ուղեւորվել էր եղել դեպի իր մեքենան: «Ես ուժեղ մանուշակագույն ցոլք տեսա եւ զգացի, որ ինչ-որ մի բան հարվածեց կրծքիս, կարծես մուրճով», - պատմել է Էդվարդսը WSOC-TV հեռուստաալիքի շոուին: Նա կորցրել է գիտակցությունը, իսկ երբ արթնացել է, կարողացել է սողալ սրճարանի դռների մոտ եւ օգնություն խնդրել:
Էդվարդսը դեռեւս զգում է կայծակի հարվածի հետեւանքները: «Ես ականջներումս խշշոց եմ լսում: Աչքերս չեն կարողանում կենտրոնանալ, բերանումս մետաղական համ եմ զգում», – հայտնել է նա:
Նա վստահեցնում է, որ իրեն կայծակն արդեն երրորդ անգամ է հարվածել: Առաջին անգամ դա տեղի է ունեցել 1997 թվականին, հենց նույն ճանապարհին: Երկրորդ անգամ տեղի է ունեցել 2009 թվականին` Յորք քաղաքում:
Էդվարդսը կարծում է, որ դրա մեղքն իր մարմնում եղած մի քանի մետաղական նյութերն են:
Հետաքրքիր է, որ կայծակը նախընտրում է հարվածել տղամարդկանց: Երկու տարի առաջ կատարված ուսումնասիրությունը ցույց է տվել, որ 1995 - 2008 թթ. կայծակի զոհերի 82%-ը տղամարդիկ են եղել:
