նախընտրելի դարձնելՎերջին տարիներին ավելացել է Մերձավոր Արեւելքի երկրներից Հայաստան ժամանող օտարերկրացիների թիվը, ովքեր ցանկանում են Հայաստանի քաղաքացիություն ստանալ: Այս մասին այսօր` հուլիսի 20-ին, մամուլի ասուլիսում նշել է Հայաստանի փոխոստիկանապետ Արթուր Օսիկյանը:
Հարցին, թե եղե՞լ են դեպքեր, երբ քաղաքացիություն տրամադրելու համար կաշառք են պահանջել, Օսիկյանն առաջարկեց բոլոր նման փաստերի դեպքում հայտնել իրենց: Նրա խոսքով, քաղաքացիություն տրամադրելը կարող է երկար տեւել, մինչեւ մեկ տարի, սակայն ազգությամբ հայերի համար գործում է պարզեցված կարգ: Կա մտադրություն պարզեցված կարգ մտցնել նաեւ արտասահմանում վիզաների տրամադրման հարցում:
Արթուր Օսիկյանը նաեւ հաստատեց տեղեկությունները, որ ՀՀ քաղաքացիների անձնագրերը վերջերս սկսել են տպագրել նաեւ Հայաստանի տարածքում:
Նախկինում դրանց տպագրությամբ զբաղվում էր բացառապես ֆրանսիական ընկերությունը:
Օսիկյանը հավաստիացրեց, որ ոստիկանությունում անձնագրերի դեֆիցիտ չկա, ուղղակի անձնագիր ստանալու ցանկություն ունեցողների թիվը բավական մեծ է:
