նախընտրելի դարձնելՎրացական ընդդիմությունը երկրի վարչապետ Վանո Մերաբիշվիլիին առաջարկել է իրենց կողմն անցնել, հաղորդում է «ՎԶԳԼՅԱԴ»-ը:
«Մերաբիշվիլին դեռեւս այլ ուղի ընտրելու հնարավորություն ունի», - հայտարարել է «Վրացական երազանք» ընդդիմադիր կոալիցիայի նախագահ Դավիթ Սագանելիձեն:
Ըստ նրա` այդ դեպքում «հանրությունն աչք կփակի բազմաթիվ սխալների եւ նույնիսկ հանցագործությոնների վրա», որոնք նախկինում Մերաբիշվիլին թույլ էր տվել ՆԳՆ-ի նախարարի պաշտոնում:
Ընդդիմադիրը կարծում է, որ Նախագահ Միխայիլ Սահակաշվիլին Մերաբիշվիլիին վարչապետի պաշտոնին է տեղափոխել, քանի որ վերջինս չէր ցանկանա ուժ կիրառել ժողովրդի դեմ հոկտեմբերին խորհրդարանական ընտրությունների ժամանակ իշխանությունների պարտության դեպքում:
«Մենք պատրաստվոմ ենք նոր խորհրդարան գալ մեծամասնությամբ: Դա տեսնելով` Սահակաշվիլին կարող է ցանկանալ ուժ կիրառել ժողովրդի նկատմամբ», - հայտարարել է Դավիդ Սագանելիձեն:
Ավելի վաղ կոալիցիայի առաջնորդ միլիարդատեր Բիձինա Իվանիշվիլին դրական էր արտահայտվել Մերաբիշվիլիի կառավարչական հատկանիշների վերաբերյալ:
