Միջազգային հիմնահարցերի ուսումնասիրությամբ զբաղվող բրիտանական «Հաշտեցման ռեսուրսներ» կազմակերպության Կովկասյան ծրագրի ղեկավար Լոուրենս Բրոյերսը զրուցել է «168 ժամ» թերթի թղթակցի հետ:
 
«Խոսելով Լեռնային Ղարաբաղում ժողովրդավարության վիճակի եւ Ղարաբաղյան հիմնախնդրի մասին, քաղաքագետը նշել է, որ Ադրբեջանի հետ խաղաղ համաձայնությունն անհնար է առանց համապատասխան ինստիտուտների կայացման, իրավունքների վրա հիմնված մշակույթի եւ նման արժեքների կայացման: «Դժվար է պատկերացնել պարզապես խաղաղություն կամ հայ-ադրբեջանական կարգավորում` առանց ժողովրդավարական զարգացումների»,- ասել է նա: Անգլիացի քաղաքագետը նաեւ կարծիք է հայտնել, որ ԼՂՀ-ում կա որոշակի դրական հեռանկար. «Ընտրությունները ԼՂ-ում անցկացվում են պարբերաբար, եւ այնտեղ կատարվում է նախագահների փոփոխում քվեարկության միջոցով, ինչը երբեմն մենք չենք տեսնում տարածաշրջանի որոշ դե յուրե պետություններում»: Միաժամանակ նա նշել է. «ԼՂՀ-ն դեռեւս իր առջեւ ունի լուրջ մարտահրավերներ` ներքին բազմազանության եւ իրական քաղաքական բազմակարծություն ստեղծելու առումով»: Իսկ, այսպես կոչված, «տեղահանված» ադրբեջանցիների»` ղարաբաղյան ընտրություններին չմասնակցելու մասին նա ասել է «Եթե տեղահանված ադրբեջանցիները բացառվել են այդ ընտրություններից., ապա դա ավելի վատ չէ, քան Բաքվից, Գյանջայից եւ Ադրբեջանի այլ բնակավայրերից տեղահանված հայերի բացառումը Ադրբեջանի ընտրություններից»»,- գրում է «168 ժամը»։