նախընտրելի դարձնելՀայաստանում 2012 թվականի սկզբից ի վեր «Շտապօգնություն» ընդամենը մեկ կանչ է ստացվել արեւային հարվածի հետ կապված:
Այս մասին NEWS.am-ի թղթակցի հետ զրույցում նշեց «Շտաօգնություն» ընկերության տնօրեն Թագուհի Ստեփանյանը:
Նրա խոսքով, արձանագրվել է փողոցում ուշաթափության դեպք, տուժածին անմիջապես բժշկական օգնություն է ցուցաբերվել:
Հարցին, թե ինչ պետք է անեն մարդիկ` խուսափելու համար արեւային հարվածից եւ դրա հետ կապված խնդիրներից, Ստեփանյանը պատասխանել է. «Ցերեկն, առավել շոգ ժամերին պետք է խուսափել արեւի տակ մնալուց, փորձել հնարավորինս մնալ տանը, իսկ եթե դուրս գալն անհրաժեշտ է, գտնվել ստվերում»:
Ինչ վերաբերում է արեւային հարվածի դեպքում անհրաժեշտ միջոցառումներին, նա նշել է, որ պետք է շատ հեղուկ ընդունել, գլուխը ծածկել թաց կտորով, կարելի նաեւ սառը ջուր լցնել գլխին: Ցանկալի է, հնարավորինս նվազեցնել մարմնի շարժումը:
Նշենք, որ արեւային հարվածը ջերմային հարվածի հատուկ տեսակ է: Դա ցավոտ վիճակ է, երբ ուղեղի աշխատանքը արեւային ջերմության երկարատեւ ազդեցության հետեւանքով վատանում է: Որպես արեւային հարվածի սիմպտոմներից է գլխապտույտը, քթից արյունահոսությունը, բարձր ջերմաստիճանը, սրտխառնոցը:
