նախընտրելի դարձնելԱՄՆ-ում Բեթմենի մասին ֆիլմի ցուցադրության ընթացքում տեղ գտած դեպքերի հետ կապված ձերբակալվել է 3 մարդ:
Արիզոնա նահանգի կինոթատրոններից մեկում հարբած քաղաքացին պահակների հետ կռվի էր բռնվել, իսկ բանից անտեղյակ հանդիսատեսների մոտ խուճապ էր սկսվել: Նրանք վախեցել էին, որ իրենց կսկսեն կրակել:
Իսկ Քալիֆորնիա նահանգի կինոթատրոնում ձերբակալվել էր 52-ամյա տեղի բնակիչ, որը որոշել էր կատակել, թե իբր իր ուսապարկում հրացան կա եւ հենց կինոն սկսվի, կկրկնվի կոլորադյան հրաձիգի «հերոսությունը», հայտնում է «Էխո Մոսկվին»:
Հիշեցնենք, որ կոլորադո նահանգում «Խավարի ասպետը. Լեգենդի վերածնունդը» ֆիլմի պրեմիերայի ժամանակ սպանվել էր 12 մարդ, 58-ը վիրավորվել էին:
