նախընտրելի դարձնելՈւկրաինական FEMEN շարժման ակտիվիստուհի Յանա Ժդանովան 15 օրով ձերբակալվել է Մոսկվայի եւ Համայն Ռուսիո պատրիարք Կիրիլի վրա ուկրաինական «Բորիսպիլ» օդանավակայանում հարձակում գործելու համար:
Ինչպես հայտարարել է FEMEN-ի փաստաբան Դենիս Օվչարովը, դատարանը հրաժարվել է Ժդանովայի գործողությունները մեկնաբանել որպես բողոքի ակցիա եւ դրանք որակել է որպես ցինիզմ, միայնակ խուլիգանություն, հայտնում է «Ինտերֆաքսը»:
Հիշեցնենք, որ հուլիսի 26-ին օդանավակայանում Ժդանովան մինչեւ գոտկատեղը մերկ ընդառաջ էր վազել պատրիարքին`բղավելով «Չքվիր այստեղից»:
Աղջիկը նեկայացել էր որպես «Վեստիի» խարկովյան խմբագրության լրագրող:
