նախընտրելի դարձնելՍերբիայում հուլիսի 27-ին ձեւավորվել է կոալիցիոն նոր կառավարություն` Իվիցա Դաչիչի գլխավորությամբ, որը Սլոբոդան Միլոշեւիչի մամուլի նախկին քարտուղարն է եղել: Կառավարության կազմում ընդգրկված են ազգայնական Սերբական առաջադիմական կուսակցության ներկայացուցիչները, որը նախկինում գլխավորում էր Սերբիայի նախագահ Տոմիսլավ Նիկոլիչը, եւ Սերբիայի սոցիալիստական կուսակցության անդամները:
Դաչիչը հայտարարել է, որ իր կառավարությունը հիմնականում ուշադրություն կդարձնի Եվրամիությանը Սերբիայի միանալուն, Կոսովոյի հետ երկխոսության կարգավորմանը եւ տնտեսական խնդիրների լուծմանը, հայտնում է «Ազատություն» ռադիոն:
Գլխավորելով կառավարությունը` Դաչիչը պահպանել է ներքին գործերի նախարարի պաշտոնը: Ազգայնական Սերբական առաջադիմական կուսակցության նախագահ Ալեքսանդր Վուչիչը դարձել է պաշտպանության նախարար եւ 4 փոխվարչապետերից մեկը: Սերբիայի դեմոկրատական կուսակցությունը, որը 2000 թվականին փորձում էր հասնել Միլոշեւիչի հրաժարականին, կրկին ընդդիմության բանակում է հայտնվել:
