նախընտրելի դարձնելՌուսական «Ռոկոտ» հրթիռը եւ «Բրիզ-ԿՄ» բլոկը տիեզերք է դուրս բերել տիեզերական չորս սարքեր, այդ թվում նաեւ` ռազմական արբանյակ:
Ինչպես հայտնել է Ռուսաստանի պաշտպանության նախարարության տիեզերական պաշտպանության մամուլի ծառայության պաշտոնական ներկայացուցիչ գնդապետ Ալեքսեյ Զոլոտուխինը, տիեզերք են հանվել կապի «Գոնեց-Մ» տիեզերական երկու սարքեր, «Միր» գիտահետազոտական արբանյակը եւ ռազմական նշանակության «Կոսմոս» տիեզերական սարքը:
Սա 2012 թվականի սկզբից Ռուսաստանի հյուսիսային ռազմական տիեզերակայանից կատարված երկրորդ մեկնարկն է, հայտնում է «gazeta.ru»-ն:
«Ռոկոտ» հրթիռը մեկնարկել է հուլիսի 28-ին` 2011 թվականին «Գեո-ԻԿ» արբանյակի անհաջող մեկնարկից հետո առաջին անգամ:
