նախընտրելի դարձնելՄկան հետեւից ընկած կանադացին քիչ է մնացել հրացանով սպանի ինքն իրեն: Բարեբախտաբար, 40-ամյա Դեյլ Ուիթմելը այնքան էլ շատ չի տուժել. գնդակը հազիվ քերծել է նրա ճակատը:
Ուիթմելը փորձել է սպանել մկանը հրացանի կոթով` չիմանալով, որ այն լիցքավորված է: Երբ նա փորձել է ճզմել մկանը, հրացանը կրակել է: Նա ճակատին մի փոքր քերծվածք է ստացել եւ տեղափոխվել բուժհաստատություն, հայտնում է «Ռոսբալտը»:
Ոստիկանությունում նշել են, որ Ուիթմելի բախտը բերել է: Կանադայի բնակչին մեղադրանք է ներկայացվել զենքի հետ անզգույշ վարվելու համար: Մի քանի շաբաթ անց նա պետք է դատարան ներկայանա: Մկան ճակատագրի մասին ոչինչ հայտնի չէ:
Դեյլ Ուիթմելն առաջինը չէ, որը կրծողին բռնելու սեփական անհաջող փորձի պատճառով տուժել է: 2011 թվականի գարնանը ամերիկյան Իլինոյս նահանգի բնակիչը պատահաբար այրել էր սեփական տունը` այնտեղ հաստատված սկյուռիկներին որսալիս:
