ՆախընտրելիՀայաստանի սահմանադրությունն ապահովում է դավանանքի ազատությունը, եւ երկրի կառավարությունը գործնականում հարգում է կրոնի ազատությունը, ասվում է ԱՄՆ պետքարտուղարության կողմից այսօր հրապարակված Կրոնի ազատության միջազգային զեկույցում:
Որոշ օրենսդրական ակտեր սահմանափակում են որոշակի խմբերի համար դավանանքի ազատությունը, սակայն Հայաստանի կառավարությունն ընդհանուր առմամբ օրենսդրական սահմանափակումներ չի կիրառում: Միաժամանակ զեկույցում նշվում է, որ Հայաստանում «կառավարությունը միտում չի դրսեւորել կրոնական ազատության ոլորտում իրավիճակի բարելավման կամ վատթարացման ուղղությամբ»:
Իրավիճակն այս ոլորտում վատ է Ադրբեջանում, որտեղ, ըստ Պետքարտուղարության, «իշխանությունները բռնագրավում են կրոնական նյութերը եւ մահմեդական եւ քրիստոնեական խմբերի որոշ անդամների խոշտանգումների են ենթարկում»: Զեկույցի եզրահանգման մեջ նշվում է, որ Ադրբեջանում գրանցվել են բռնության եւ խտրականության դեպքեր` կրոնի եւ դավանանքի հիմքով:
