նախընտրելի դարձնելՄեծ Բրիտանիայի Հարթլփուլ քաղաքում վիճակախաղին մասնակցող ութամյա երեխան հնարավորություն է ստացել ինքնուրույն պայթեցնել արտադրական ձեռնարկությունը: Դա ութամյյա դպրոցական Ջեյմի Բրաունի մրցանակն էր:
Վիճակախաղի կանոններով` յուրաքանչյուր ցանկացող, որը 1,5 դոլարով վիճակախաղի տոմս է գնել, ավտոմատ հաշվառվում է ազարտային խաղի մասնակիցների շարքում եւ իրավունք է ստանում պայթեցնել շահագործման ժամկետն ավարտած բրիտանական գործարանը:
8-ամյա Ջեյմին դիմել է պապիկին` խնդրելով իրեն տոմս գնել եւ մասնակցել այդ միջոցառմանը, հայտնում է LifeNews-ը:
Ըստ անվտանգության կանոնների` շենքը պայթեցնելու իրավունք ունեն միայն սապերները: Սակայն Հարթլփուլի վարչակազմը որոշել է, որ տվյալ դեպքում կարելի է բացառություն անել` նման հնարավորություն ընձեռելով քաղաքի բնակչին:
Մի քանի օր անց Ջեյմի Բրաունը շինարարների, ինչպես նաեւ ճարտարապետության մասնագետների ղեկավարության ներքո սեղմել է դետոնատորը եւ քանդել 1960 թվականի կառույցը:
