նախընտրելի դարձնելՌուսաստանի Կալինինգրադի շրջանում հարուցվել է քրեական գործ մի կնոջ նկատմամբ, ով գազանաբար ծեծել է իր ընկերուհու փոքր աղջկան: Հաշվեհարդարի պատճառ է դարձել մանկական չարաճճիությունը։ Երեխան խառնել է հեռուստացույցի ալիքները՝ խաղալով հեռակառավարման վահանակի հետ:
Ինչպես հաղորդում է NEWSru.com-ը, Չերնյախովսկի շրջանի Պոկրովսկոյե գյուղի 29-ամյա բնակչուհին հնարավոր է 10 տարով ազատազրկվի` 1 տարի 7 ամսեկան աղջնակին ծեծելով մարմնական ծանր վնասվածքներ հասցնելու համար: միջադեպը տեղի է ունեցել Պոկրովսկոյե գյուղի տներից մեկում: Կնոջ ընկերուհին աշխատանքի ժամերին փոքրիկին թողել է նրա տանը, որպեսզի վերջինս հետեւի մանչուկին։
Դայակը երեխայի չարաճճիությունից այնպես է կատաղել, որ նա երեխային բռնել է շորից եւ նետել հատակին այնպես, որ աղջիկը գլխով հարվածել է մետաղե տաքացուցիչին եւ կորցրել գիտակցությունը:
Հետագայում տուժածին տեղափոխել են Կալինինգրադի շրջանային մանկական հիվանդանոց:
Բժիշկները ախտորոշել են ուղեղի ցնցում, ներքին օրգանների վնասվածքներ եւ բազմաթիվ կապտուկներ մարմնի վրա: Երեխան հիվանդանոց է տեղափոխել կոմայում, հաղորդում է «ՌԻԱ Նովոստին»:
