Պյատիգորսկից 9-ամյա Անյա Պրոկոպենկոյի սպանության գործով ձերբակալված Վլադիմիր Համբարձումովը խոստովանել է  իր մեղքը: Այդ մասին հայտնել է Ռուսաստանի Քննչական կոմիտեն:

Հիշեցնենք, որ Անյա Պրոկոպենկոյի սպանության կասկածանքով ձերբակալվել էր տեղի բնակիչ 40-ամյա Վլադիմիր Համբարձումովը: Նա բազմիցս դատված է եղել, ազատվել է հուլիսի 26-ին: Նրան կասկածում են նաեւ երիտասարդ մի կնոջ բռնաբարության մեջ:

Տեսագրության մեջ երեւում է, թե ինչպես հունիսի 23-ին ժամը 15:01-ին տղամարդն աղջկա հետ  գնում է անտառի կողմը, իսկ  16:02-ին նա այնտեղից վերադառնում է մենակ: Հետաքննության ընթացքում լսվել են Համբարձումովի հեռախոսազրույցները:  Զանգերը նա արել էր հանցանքի վայրից: Կասկածյալի մարմնին հայտնաբերվել են նաեւ գծավոր վնասվածքներ, որոնց վաղեմության ժամկետը 7-10 օր է: Դա համապատասխանում է հանցագործության կատարման ժամանակին, հայտնում է dni.ru-ն: 

Ավելի վաղ քննիչներին անհրաժեշտ ապացույցներ էր տվել գենետիկական փորձաքննությունը: