նախընտրելի դարձնելՍիրիայում տեղի ունեցող քաղաքացիական կռիվների եւ բախումների համատեքստում, ԱՄՆ-ի արեւմտյան ափի Հայ օգնության միությունը կոչ է անում միավորվել Սիրիայում շարունակվող ճգնաժամի պայմաններում տառապող հայերին օգնելու իրենց նախաձեռնությանը: Այս մասին հայտնում է «Asbarez»-ը:
«Այս օրհասական պահին Հայ օգնության միությունն առաջարկում է ջանքեր գործադրել Սիրիայի հայերի համար օգնություն հավաքելու համար: Այս գործում աջակցությունը սահմաններ չունի եւ Սիրիայում գործող հայկական դպրոցների օգնության հիմնադրամին նվիրաբերված ցանկացած գումար ցույց կտա մեր համերաշխությունն ու բարոյական պարտքը դժբախտության մեջ հայտնված մեր հայրենակիցների հանդեպ»._նշում է թերթը:
Սիրիայում բնակվում են 60-70 հազար հայ, որը կազմում է ընդհանուր բնակչության մոտ 0,5 տոկոսը: Նրանց մեծ մասը բնակվում են հալեպում, իսկ մյուս հատվածը տարածված են բազմաթիվ այլ քաղաքներում` Լաթակիայում, Հոմսում, Հասակեյում, Յակուբիեյում, Ռակայում, Քեսաբում եւ իհարկե Դամասկոսում:
