նախընտրելի դարձնելԻրանը ժամանակավորապես դադարեցնում է Ադրբեջանի եւ Վրաստանի հետ առանց վիզայի ռեժիմի գործունեությունը: Առանց վիզայի ռեժիմը կդադարի գործել օգոստոսի 5-ից 31-ը: Այս մասին հայտնում է «Գրուզիա օնլայնը»-ը:
Առանց վիզայի ռեժիմի դադարեցումը կապված է Իրանում «Չմիանալու շարժման» անդամ երկրների ղեկավարների մասնակցությամբ 16-րդ համագումարի անցկացման հետ, որի ընթացքում անհրաժեշտ կլինի անվտանգության հատուկ միջոցներ ձեռնարկել:
Վրաստանի Արտաքին գործերի նախարարության տվյալներով, առանց վիզայի ռեժիմը ժամանակավորապես կդադարեցվի Վրաստանի այն քաղաքացիների համար, ովքեր ունեն սովորական անձնագրեր կամ ցանկանում են հանգստանալ Իրանում: Իրան մեկնելու համար Վրաստանի քաղաքացիները պետք է դիմեն Վրաստանում Իրանի դեսպանատուն: Սեպտեմբերի 1-ից նորից ուժի մեջ կմտնի վրաց-իրանական առանց վիզային ռեժիմի համաձայնությունը` ազգային անձնագրեր ունեցողների համար: Իրանը նման որոշում է կայացրել նաեւ Ադրբեջանի համար:
